Please ensure Javascript is enabled for purposes of website accessibility

Press-relizlər

“Mitsubishi Corporation” şirkətinin nümayəndələri “ASAN xidmət”də


“Mitsubishi Corporation” şirkətinin İstanbul filialının baş direktoru Yasunori Sakamoto və baş direktorun müavini Şuniçi Komoriyadan ibarət nümayəndə heyəti 7 saylı "ASAN xidmət" mərkəzi ilə tanış olub.
 

Görüş zamanı qonaqlara “ASAN xidmət”in yaradılması məqsədləri və fəaliyyət istiqamətləri barədə ətraflı məlumat verilib.
 

Qeyd olunub ki, şəffaflığın artırılması və müasir innovasiyaların tətbiqi baxımından “ASAN xidmət”in yaradılması ilə səmərəli dövlət idarəçiliyinin təmin edilməsi sahəsində ciddi naliyyətlər əldə olunub. Bundan əlavə, qonaqlara Dövlət Agentliyi tərəfindən rəqəmsal hökumət, startap ekosistemlərinə dəstək və sosial innovasiyalar istiqamətində həyata keçirilən fəaliyyət barədə məlumat verilib.
 

Eyni zamanda Dövlət Agentliyinin 2015-ci ildə Birləşmiş Millətlər Təşkilatının Dövlət Xidmətləri Mükafatına, 2019-cu ildə isə BMT-nin rəqəmsal idarəetmənin tətbiqi ilə dövlət xidmətlərinin inkişafı sahəsində xüsusi mükafatına layiq görülməsi diqqətə çatdırılıb.
 

Qonaqlar həmçinin “INNOLAND” İnkubasiya və Akselerasiya Mərkəzi, “Bilim Bakı” mərkəzi və “ABAD”ın fəaliyyəti ilə tanış olublar.


Tarix: 22-08-2022 11:59